Urtarrilaren 19an lanbide arriskuen prebentzioko zikloko 2. kurtsoko ikasleak ORSA enpresan egon ziren, bai bere egoitzan, Oiartzunen, eta bai burutzen ari diren obra batean: Hondarribiako garbigunea.
Bisita oso aberasgarria izan zen, izan ere, eraikuntza-sektorean (obra zibila) eta errepideen urbanizazio eta burutze-lanetan aritzen den enpresa lider baten funtzionamendua ikusteko aukera izan genuen; zeregin horietarako ongi hornitua dago, bai giza-baliabideez bai baliabide teknikoez (azken belaunaldiko makineria).
Beste aldetik, enpresa honek prebentzioa maila guztietan nola ezartzen duen bertatik bertara ikusi genuen, bai bere egoitzan zein burutzen ari diren obretan: segurtasun planak obretan, prestakuntza (eraikuntzaren txartel profesionala, osasunaren zaintza…).
Era berean, bisita oso atsegina izan zen zikloko irakasleontzat, izan ere, EASO Politeknikoan Lanbide Arriskuen Prebentzioa Goi-mailako zikloan prestatutako ikasle bat, berari dagozkion prebentzio-lanak burutzen zuzenean ikusteko aukera izan genuen.
