Bilbon ospatutako Psikomotrizitate Praktikako lehen Jardunaldi Nazionalak arrakastatsuak izan dira eta gure irakasleak horren lekuko izan ziren.
Abenduko 26 eta 27an, Bilboko EHUko Paraninfoan Psikomotrizitate Praktikako I. Jardunaldiak ospatu ziren, bertara ehunka hezitzaile, psikomotrizista eta, oro har, gai horretan interesa zuten jende ugari hurbildu zirelarik, besteak beste Easo Politeknikoko Haur Hezkuntzako ordezkariak. Hitzaldia Francis Elizaldek eta Bernard Acouturierek eman zuten eta sortu zuten interesa eta jakin mina handia izan zen, izan ere, entzulegoak txalo zaparrada batez adierazi zien bere esker ona hitzaldiko hainbat unetan.
Bernard Aucouturierren (EIAko presidentea eta fundatzailea eta psikomotrizitate praktikako sortzailea) hitzaldiaren gaia honako hau izan zen: “Haurrak jolasteko duen gaitasuna eta plazerra ulertu eta errespetatu, elkarren artean ongizate harreman bat eraikitze aldera”.
Francis Elizalde (psikologoa eta Gestalt terapeuta) gai honetaz mintzatu zen: “Nola zaindu geure burua haurrak zaindu ahal izateko”.
