Aurreko urteetan bezala, Gorputz eta Kirol Ekintzen Sustepenerako goi mailako zikloko ikasleekFortuna kirol elkartearen ekitaldi batzuetan laguntzen gabiltza.
Alde batetik B/SS lasterketa aurretik hesiak bide-alboetan jarri, hesien publizitatea kokatu eta korrikalarien motxilak kamioietan jaso (gero Donostian norberak berea berreskuratzeko) genituen; eta lasterketa ondoren hesien jasoketa eta garbitzaile profesionalen lana zerbait erreztu genuen lurrean eta belazetan botatakoa bilduz.
Bestetik Donostiako Zuhaizti kiroldegian antolatutako ur-jokoetan ere egon ginen. 10 joko ezberdinez osaturiko zirkuito honetatik guztira 544 ume pasa ziren ordu bateko 4 txandetan antolaturik (estazio bakoitzean 5 minutu). Gure ikasleen ardurak: umeei jokoa azaldu, segurtasun neurriak behatu, jokoa dinamizatu, erritmoa kontrolatu (bai kanpotik bai igerileku barrutik) eta taldea zaindu.
Hau 1. jardunaldia izan zen (azaroaren 19an) eta 2. jardunaldia martxoaren 31an izango da, han egongo gara ere.
—
