Enpresako prestakuntza: DUAL orokorra eta DUAL aurreratua
Lanbide Heziketa Duala hezkuntza-eredu berriaren ardatz estrategikotzat hartzen da, enpresa-sarea ikaskuntza-prozesuetan modu egituratuan txertatuz. Eredu honek ikastetxean jasotako prestakuntza eta enpresan egindako egonaldiak uztartzen ditu, elkarrerantzukizunaren, orientazio praktikoaren eta enplegagarritasunaren logikan oinarrituta.
Bi modalitate daude:
- Dual orokorra: ikasleek prestakuntzaren %25 eta %35 bitartean egiten dute enpresan. Helburua da lan-ingurunearen ezagutza eskuratzea, gaitasunak garatzea eta prestakuntza prozesuan tutoretza partekatua izatea ikastetxearen eta enpresaren artean.
- Dual aurreratua: prestakuntzaren %35etik gora egiten da enpresan. Ikastetxearen eta enpresaren konpromiso sakonagoa eskatzen du, eta ikaslea produkzio-jardueran zuzenki txertatzen da. Modalitate honek lan-kontratu bat ere barne har dezake, eta lanbide-profila modu sakonean garatzea eta lan-merkatuan zuzenean txertatzea du helburu.
Informazio gehigarria: https://www.fpeuskadiduala.eus/
Lan-poltsa
EASO Politeknikoaren Lan-Poltsa gure prestakuntza-komunitatearen eta enpresa-sarearen arteko lotura estrategikoa da. Plataforma honen bidez, enpresek aukera dute gure ikasle eta ikasle ohien profil kualifikatu eta berritzaileak ezagutzeko eta lan-eskaintzak argitaratzeko.
Enpresentzako A, B eta C graduak
Lanbide Heziketa malgua, metagarria eta enpresen beharretara egokitua
2023ko uztailaren 18ko 659/2023 Errege Dekretuak araututako Lanbide Heziketaren egitura berriak sistema modularra, metagarria eta aurrerakorra ezartzen du, herritarren eta enpresen kualifikazio-beharretara bizitza profesional osoan zehar egokitzeko diseinatua.
Easo Politeknikoan, enpresekin lankidetzan, prestakuntza-eskaintza A, B eta C graduen bidez egokitu dezakegu, behar zehatz bati erantzuteko prestakuntza pertsonalizatua diseinatuz.
Gutxienez 10 langileko taldeak osatuz, posible da enpresa edo sektore jakin baten premietara egokitutako prestakuntza antolatzea, gaitasun profesionalak modu metagarrian eskuratzeko aukera emanez:
- A Gradua: mikroakreditazioak edo gaitasun partzialen egiaztagiriak.
- B Gradua: aitortza ofiziala duten gaitasun-ziurtagiriak.
- C Gradua: estatu mailako balioa duten ziurtagiri profesional osoak.
Gradu hauek aukera ematen dute ibilbide formakutibo malgu eta metagarriak osatzeko, enplegagarritasun azkarra errazteko eta formazio formala zein ez-formala baliotzeko.
Gainera, egitura honek Lanbide Heziketa inklusioboagoa, bizkorragoa eta lan-merkatuaren errealitatera konektatuagoa sustatzen du.
