Easo Politeknikoa
Urte
Ikasle
Enpresekin elkarlana
1879az geroztik
Easo Politeknikoa erreferentziazko zentroa da Euskadiko Lanbide Heziketan. Gizartearen eta ekoizpen ingurunearen beharrei erantzunez, etengako garapena izan du 1879az geroztik. Bide horretan, gizarte ongizatea eta jasangarritasuna helburu, pertsona kualifikatu eta arduratsuak formatzearen konpromisoari irmo eutsi dion ikastetxea da.
Lan-merkatuari eta ikasleari egokitutako prestakuntza
Lanbide orientazioaren eta metodologia berritzaileen aldeko apostua egiten duen ikastetxe publikoa gara. Autonomia, sormena eta pentsamendu kritikoa sustatuz, egungo beharrei eta bizi osoko ikaskuntzaren beharrei egokitzeko prestakuntza malgua eskaintzen dugu.
Gizartea eraldatuz
Easo Politeknikoan berdintasuna, kulturartekotasuna eta inklusioa sustatzen ditugu pertsona guztien aukera berdintasuna bermatuz. Garapen Iraukorreko Helburuekin (GIH) bat egiten dugu, aztarna ekologikoa murrizteko kudeaketa eta praktika jasangarriak sustatuz.
Prestakuntza duala eta nazioarteko programak
Lan-merkatuko 800 enpresa baino gehiagorekin lan egiten dugu. Praktiken, prestakuntza dualaren eta Erasmus+ bezalako nazioarteko programen bidez laneratzea errazten dugu. Nazioartekotzearen, eraldaketa digitalaren eta hezkuntza berrikuntzaren aldeko apustua egiten dugu, gure irakaskuntzak orainaldiko eta etorkizuneko erronkei erantzungo diela ziurtatuz.
Bikaintasun zentroa
2024an, Easo Politeknikoa bikaintasun-zentro izendatu zuten Gizarte Ekonomiaren eta Zainketen adarrean, eta berrikuntzarekin eta bikaintasunarekin konprometitutako erakundeen sarean sartu zen. Izendapen honek gizarte-zerbitzuen arloan irtenbide berritzaileak aplikatzeko etengabeko ahalegina nabarmentzen du. Gure komunitatea modu positiboan eraldatzeko teoria eta praktika uztartzen dituen prestakuntzaren garapenarekin dugun konpromisoa berresten du. Bikaintasun izendapena pizgarri da gizarteratzea, ongizatea eta gizarte-iraunkortasuna sustatzen dituzten ekimenak bultzatzen jarraitzeko, gizarte-eraldaketan erreferente gisa dugun zeregina sendotuz.
Easo Politeknikoan, teknikariak eta profesionalak ez ezik, gizartearekin konprometitutako pertsonak ere prestatzen ditugu, mundu bidezkoago, solidarioago eta iraunkorrago bati laguntzeko prestatuak. Kalitatezko hezkuntza baten bila bazabiltza, hau da zure ikastetxea.