Natura inguruneko eta aisialdiko gidari-lanak

> D Eredua (euskaraz) | ordutegia 8:00 - 14:30 | iraupena 2000 ordu (BI IKASTURTE)

> A eredua (gazteleraz) | ordutegia 14:30 - 19:30 | iraupena 1500 ordu (BI IKASTURTE)

GAITASUN OROKORRA:

Titulu honen gaitasun orokorra da ibilbideak antolatzea eta taldeak gidatzea zenbait natura-ingurunetan (behe- eta erdi-mailako mendiak, nordiko erako eremu elurtuak, zailtasun txikiko barrunbeak, arrisku txikiko arroilak, ur-ingurunea eta aisia- eta abenturainstalazioak), oinez, sokaz, bizikletaz, ontziz eta zaldiz, bai eta astialdiko jarduerak dinamizatzea ere, betiere jarduera horiek parte-hartzaileei egokituz, ingurumena errespetatuz eta kalitatea eta segurtasuna bermatuz.

Deskargatu heziketa zikloaren fitxa

Aurkibidea:

Ikasketa plana

Irteera profesionalak

Oharra

Ikasketa plana:

Moduluak	Orduak/asteko
Ibilbideak antolatzea	3
Bizikleta-gidaritza	5
Igeriketa-teknikak	3
Aisialdiko teknikak	4
Behe eta erdi-mailako mendiko gidaritza	7
Ingeles profesionala	2
Enplegagarritasunerako ibilbide pertsonala I	4
Produkzio-sektoreei aplikatutako digitalizazioa	2

Moduluak	Orduak/asteko
Zaldi-gidaritza	2
Taldeentzako arreta	2
Ekitazio-teknikak	3
Ur-ingurune naturaleko gidaritza	4
Sorospena natura-ingurunean	5
Maniobrak sokekin	5
Enplegagarritasunerako ibilbide pertsonala II	3
Produkzio-sistemari aplikatutako jasangarritasuna	2
Hautazko moduluak	4
Proiektu intermodularra	0

Irteera profesionalak:

Nire ikasketak amaitzean, zer egin dezaket?

Naturako jardueren gida (mendi ibilaldiak, ibilbide elurtuak erraketekin, erreka-zuloak, zailtasun txikiko espeleologia)
Zikloturismoko ibilbideen gida.

Araututako irteera profesionalak:

Zer lanbide araututara sar daiteke titulazio honekin?

Soroslea uretako espazio naturaletan.
Haur eta gazteentzako hezkuntza-aisialdiko jardueren monitorea.

Oharra:

Igeriketako eskakizuna eta hizkuntza maila

Ziklo honetan igeriketako eskakizuna handia da, horregatik komenigarria da matrikulatzen den ikaslea ondo jakitea igeri egiten igeriketaren irakaskuntzarako progresio eta ur sorospenetako teknikak zein egoera errealak normaltasunez aurrera atera ahal izateko. Oinarrizko erdipurdiko igeriketa maila batek arazoak ematen ditu zenbait moduluen garapenean.

D ereduko heziketa-zikloak osorik euskaraz eskaintzen dira. Horrenbestez, ikasleek euskara gaitasun nahikoa izan behar dute ikasgaiei egoki jarraitzeko, eguneroko jarduerak eta lanak egiteko, eta ebaluazio-probak gainditzeko. Baldintza hori betetzen ez bada, ezinezkoa izango da prestakuntza arrakastaz amaitzea.