Erasmus+ proiektua lanbide heziketan
Erasmus+ programa Europar Batasunaren ekimena da, ikasleen, irakasleen eta profesionalei nazioarteko mugikortasuna sustatzeko helburua duena. Gure Lanbide Heziketa zentroan, aukera paregabe hau eskaintzen diegu Goi eta Erdi Mailako ikasleei, haien prestakuntza akademikoa eta profesionala osatzeko Europako beste herrialdeetan.
Zer eskaintzen du Erasmus+ proiektuak?
- Ikasleen mugikortasuna: Lanbide Heziketako ikasleek aukera dute Europako beste herrialdeetan esperientzia paregabeak bizitzeko. Mugikortasun hauek bi motatakoak izan daitezke:
- Mugikortasun laburrak: Easoko irakasleekin batera Europar Batasuneko beste ikastetxe bat bisitatu.
- Enpresen formakuntzak atzerrian: ikasleek aukera dute Lantokiko Prestakuntza (FCT) modulua Europako enpresa batean egiteko, nazioarteko esperientzia eskuratuz eta haien curriculuma aberastuz.
- Irakasleen eta ikastetxeko profesionalen mugikortasunak: Erasmus+ programak ez die soilik ikasleei zuzendutako aukerak eskaintzen, irakasleek ere nazioarteko aparteko esperientziak bizi ditzakete programa honen bidez. Gure irakasleek eta ikastetxean dauden langileek aukera dute Europako beste herrialdeetara joateko eta haien prestakuntza profesionala osatzeko.
- Formakuntza jasotzea: Irakasleek atzerriko zentroetan eta erakundeetan formakuntza saioak jaso ditzakete, haien espezializazio arloan gaitasun berriak eskuratzeko.
- Enpresa eta ikastetxeak bisitatzea: beste herrialdeetako enpresa eta hezkuntza-zentroak bisitatuz, lan egiteko metodologiak eta tresna berriak ezagutzen dituzte, eta horrek kalitatezko irakaskuntza bermatzen laguntzen du.
- Klaseak ematea: Irakasleek atzerriko ikastetxeetan klaseak eman ditzakete, haien ezagutza partekatuz eta nazioarteko irakaskuntza-esperientzia aberastuz.
Zeintzuk dira onurak?
- Garapen profesionala: atzerrian praktikak eginez, ikasleek lan-merkatu globalizatuan balio handiko gaitasunak eskuratzen dituzte.
- Hizkuntza trebetasunak hobetzea: eguneroko bizitzan eta lan-ingurunean beste hizkuntza bat erabiltzeak komunikazio-gaitasunak hobetzen ditu.
- Kultura arteko ezagutza: beste kultura eta lan-metodologia batzuk ezagutzeak ikasleen ikuspegia zabaltzen du eta moldagarritasuna sustatzen du.
- Enplegagarritasuna handitzea: nazioarteko esperientziak curriculumean balio erantsia ematen du, enpresaburuen aurrean profil erakargarriagoa izanik.
Jarraitu gure Instagram kontua
@easointernational
Nazioarteko proiektuak
DOLAREAK proiektua
DOLAREAK proiektuak Euroeskualdeko lurraldeen arteko lankidetzaren bidez bi ardatz estrategiko uztartzen ditu: ondarearen berreskuratzea eta formazio-berrikuntza. Ekimenak hiru dolare historikoen muntaketa- eta zaharberritze-prozesua du ardatz, eta gida digital interaktibo baten…
Ikusi
Baserriberri proiektua
BASERRIBERRI proiektuak POCTEFA lurraldeko bi erronka nagusiri erantzuten dio: Mugaz gaindiko lan-merkatuen integrazioa indartzea eta lurralde horretan enpleguaren eta prestakuntzaren kalitatea hobetzea, langabeentzako prestakuntza eta laneratze eskaintza berria garatuz. Lurraldearen…
Ikusi