Easo Politeknikoan, etengabe aldatzen ari den mundu honetan, erakunde adimentsua eta jasangarria izatea da gure erronka. Horregatik, gure gain hartzen ditugu 2030 Agenda eta hizkuntza eta kultura-aniztasunaren 17+1 helburua, eta gure plan estrategikoaren ardatz nagusi gisa integratzen ditugu.

Inor atzean utzi gabe mundua eraldatzeko konpromisoa hartzen dugu, 17+1 GIHak gure egunerokotasunean txertatuz, ikuspegi praktiko eta esanguratsuarekin. Horretarako, Agenda 2030eko printzipioak ikasleen prestakuntzan eta langileen lanean modu erreal eta eraginkorrean islatzeko behar diren baliabideak bermatzen ditugu.

Hezkuntzaren esparruan, hezkuntza inklusibo eta kalitatezkoaren alde egiten dugu, non kultura eta hizkuntza propioen erabilera funtsezko pieza izango den. Eredu gutxienez elebidunetan sinesten dugu, gure komunitatearen identitate kulturala indartu eta, aldi berean, mundu globalizatu batekin konektatuko gaituzten ereduetan.